Tempotimor (Dili)-Parlamentu Nasionál (PN) sei hein de'it desizaun husi Tribunál ba kazu eis deputadu lejistivu datoluk na'in-12 ne'ebé habit metin hela no la entrega karreta filafali (pradu) ba PN.
Sekretáriu Jerál PN, Adelino Afonso de Jesus hatete, dadaun ne'e PN hein de'it desizaun husi Tribunál nian ba kazu eis deputadu lejistivu datoluk balun seidauk patrimónia estadu.
Tanba pozisaun PN rasik sei labele influénsia desizaun tribunál nian, tanba prosesu ne'e tama ona iha tribunál nia kompeténsia.
“Prosesu ne'e resposta simples teb-tebes, agora iha hela tribunál, agora hein de'it tribunál deside bainhira mak hakotu lia ne'e atu fó karreta ne'e ba sira ne'ebé eis titulares ne'e ka atu fó filafali ba estadu. Dadauk Tribunál nia deside ami labele iha influénsia”, hatete nia iha PN, kuarta (16/06).
Iha tinan 2020 PN mós deside sosa tan karreta ho marka pajero sport hamutuk 35 ba atuál deputadu sira hanesan Bankada FRETILIN na'in-12, CNRT na'in-9, PLP na'in-5, KHUNTO na'in-3, PD na'in-3, PUDD na'in-1, no UDT/FM na'in-2.
Enkuantu PN seidauk iha intensaun atu sosa tan karreta ba deputadu 30 ne’ebé to'o agora sei utiliza karreta tuan. (*)