"Ida ne'e hanesan aktus ne’ebé mak ladun di’ak, bainhira iha kuarentena laran halo aktu ne’ebé mak kontra duni Organizasaun Saúde Mundial (OSM) ninian”, dehan nia ba www.tempotimor.com iha Parlamrntu Nasional, segunda (05/07).

Maibé dalaruma regra hirak ne’ebé mak iha ladun fó kbi’it, entaun ikus sira hela iha kuarentena ne'e sente hanesan asrama ida ba sira bele halo divertimentu.

Tanba ne'e, filafali ba governu oinsá mak kria regra hodi atua halo didi’ak, fó informasaun ida klaru katak covid-19 ne'e la di'ak ba sira-nia moris.

Enkuantu tuir pasiénte covid-19, Anita (naran istimadu) ba www.tempotimor.com katak, durante izola-an iha kuarantena, pasiénte balun lakoi atu rona doutor sira ko’alia tanba halo fali karaoke iha kuarentena laran.

Maske ekipa saúde ka doutór kuarantena Tasitolu, deside ko’alia bebeik ba pasiénte sira maibé sira la rona.

"Kalan ami la toba, tanba  barullu los, ema karoke ou loke muzika ema ida-idak halo ninia de'it, kuarantena laran, doutor sira bandu mós sira la rona”, dehan nia ba www.tempotimor.com liuhusi telefone, segunda (05/07).

Maibé durante izola-an iha kuarantena, kada loron parte médiku sira sempre fó hahán no bee inklui aimoruk atubele rekuperasaun saúde.

Iha loron 23 fulan-juñu, Pasiénte Anita tama Iha kuarantene tanba médiku sira halo teste swab ba sira na’in-15, maibé iha loron 22 fulan-juñu rezultadu fó sai pozitivu no 14 seluk negativu ba covid-19.

Ho ida ne'e, nia izola-an iha kuarantena Tasitolu, hahú loron 23 fulan-juñu no aban (06/07) sei kompleta loron 14. (*)