Tanba ne'e, ejize ba governu atu taka fronteira Marítima, Terestre no Aeru atu vírus foun delta labele tama iha Timor-Leste (TL).
“Governu mak sengaja, kria hela situasuan ida ne'e, para nune'e moras ne'e mai barak iha ita-nia nasaun laran, para estraga povu. Husu ba governu de faktu, taka fronteira ne'e labele ga?. Taka areportu ne'e labele ga”, deklara nia iha plenária PN, segunda (05/07).
Tanba tinan 2 nia laran Timor-Leste iha ona esperiénsia hasoru covid-19, governu rasik dehan covid-19 ne'e perigu tebes ba ema nia moris maibé odamatan fronteira nian kontinua loke hodi fó livre ba ema tama sai.
Husu governu taka fronteira sira ne'e, atubele husik povu iha rai laran sirkula livre.
CNRT mós kestiona sala situasun no Sentru Intergradu Jestaun ba Krize (SIJK), komadante komodor ne’ebé ko’alia númeru pozituvu sempre halo fali komparasaun ho situasuan iha Nusa Tengara Timur (NTT), Atambua-Indonézia.
"Kompara ou iha Atamabua barak ona iha Indonézia mós barak, entaun se kompara ho Atambua, nusa la kompara ho ita-nia nasaun laran, ita kompara Atambua hela de'it, nusa la taka tiha NTT ne'eba, fronteira taka tiha para sira labele mai”, dehan nia.
Iha fatin hanesan, deputadu bankada Frente Revolusionáriu Timor-Leste no Independente (FRETILIN), Silvino Morais, husu ba komunidade sira atu iha konsiénsia hamutuk hodi kombate variante foun covid-19 ne'ebé tama iha Timor-Leste (TL).
Enkuntu, tuir informasaun ne’ebé www.tempotimor.com asesu iha pájina facebook Laboratório Nacional da Saúde (LNS) katak dadauk ne'e seidauk deteta kazu variente delta iha Timor-Leste (TL). (*)