Country Diretóra PITL, Dillyana B. Daten Ximenes rekoñese pursentu ida ne'e tama kategoria boot tebes no aas . "Presiza ema hotu nia atensaun ba asuntu ida ne'e," Ximenes informa ba jornalista bainhira remata audiénsia ho espoza Prezidente Repúblika, Cidalia Mouzinho, Kinta (25/07/2019).
Nia mós husu ba entidades hotu atu servisu hamutuk hodi fó edukasaun sívika ba foinsa'e atu labele kaben sedu. Maibé, oinsa prepara aan hodi sai lideransa TL iha futuru.
PITL mós orgullu tanba hetan tan konfiansa husi espoza PR hodi hala'o servisu iha TL liliu oinsá atu halo redusaun ba asuntu refere.
"Orgullu tebes, tanba ami hetan konfiansa no komitmentu máximu husi sua eselensia espoza PR para servisu hamutuk ho ami. Nomós, ami aliansa ho labarik feto para koko atu halo redusaun ba asuntu importante ida ne'e," Ximenes afirma.
Programa boot rua ne'ebé agora PITL foka liu ba munisípiu rua. Hanesan Aileu inklui Ainaro. Maske nune’e, PITL iha vizaun hodi halo influnesia iha nasaun tomak liuhusi parseria sira.