"Ami mós kontinua nafatin servisu hamutuk ho MNEK tulun ita-nia MNEK para kria Website ba ita-nia Embaixada iha rai li'ur tanba dala barak, ita-boot sira hatene, ema sira ne'ebé iha rai li'ur filafali mai iha Timor iha difikuldade atu buka informasaun kona-ba ita entaun objetivu sira ne'e ita hahú neneik la'o neneik to'o tempu ida ita atinje duni objetivu prinsipál sira ne'e husi Governu sira ne'e mai”, informa Diretór Ezekutivu Tékniku Informátika Komunikasaun, institutu públiku (TIC.ip), Roberto de Sousa Vicente iha Sentru Formasaun Polísia, Komoro, segunda (12/07).
Tanba iha ona polítika ne’ebé haree liuhusi dekretu lei 29/17 fó kompeténsia ba TIC hodi kontinua sentraliza informasaun Governu nian iha fatin ida ne'ebé polítika la’o ona, nune'e kontinua halo sosializasaun hodi haree nia vantajen no dezvantajen.
"Oras ne'e instituisaun estadu sira komesa rai ona sira nia dokumentu neneik, mais agora sira hahú aprosima mai iha TIC para rai sira nia dadus no oras ne'e Ministériu sira hamutuk 44 ne'e inklui mós Munisípiu 12”, dehan nia.
Aliende ne’e, Planu Nasional Dezenvolvimentu Suku (PNDS) iha Munisípiu 12 dadaun ne’e sentraliza no rai hotu informasaun iha sistema infraestrutura sentru dadus iha Timor-Leste.
Maibé kada formasaun ne'ebé mak TIC oferese ba formandu sira, materia hirak ne'e estandar CISCO System hodi fasilita ba membru Governu sira liliu formandu sira.
Tanba CISCO hanesan instituisaun internasionál, akademia ida ne'ebé fó treinamentu espesializada ba ema IT (information technology) iha Estadu Unidu Amerika. (*)