“Desizaun ida husi konsellu superior PNTL foti ne'e, la'ós desizaun finál. Iha (PNTL) sira-nia regulamentu disiplinar ne'e rasik, hanesan ita hatene, kuandu rekore ba tribubál distritál Dili, se mantein desizaun konsellu superiur PNTL nian dehan demite sira, (ajente) sira sei bele iha diretu para halo rekore fali ba tribunál rekursu, e tribunál rekursu nia desizaun mak desizaun final”, hatete Elvina liuhusi telefone, segunda (26/07).
Haree ba prosesu demisaun ne'ebé dadauk aplika ba ajente-polísia na’in-3, klaru katak bazeia ba aktu ne'ebé komete burla agravadu, inklui uza pistola oho ema nomós balun abandona servisu, ne'e fó apresia ba servisu PNTL tanba halo investigasaun depois foti desizaun ne'ebé rigorozu.
Maibé desizaun ne'ebé dadauk Konselhu Superior PNTL deside ne'e la'ós desizaun final, tanba iha esperiénsia sira anterior, kazu barak akontese ona, membru PNTL balun hetan demisaun ona bele ba ativu filafali tanba tribunál deside atu filafali ba serbisu.
“Tuir regulamentu disiplinar PNTL ne'e, sira sei iha diretu ba halo rekursu ba desizaun konsellu superior nian katak desizaun demisaun ba sira-nia an ne'e, e durante ne'e sira halo rekursu ne'e, sira bele mós ativu filafali”, dehan nia
Ho ida ne'e, husu ba PNTL atubele kria sira-nia regulamentu disiplinar rigorozu, atu nune'e demisaun saida de'it mak PNTL deside, tenke hotu ho ida ne'e no labele halo tan rekursu ba TR. (*)