Tanba, simu telefone husi populasaun sira hela iha Karega-Tiru, besik, Ponte Maufelo, populasaun sira tanis hatete ba deputadu katak bee laiha, tanba parte Bee Timor-Leste, emprezariu públiku (BTL.ep) ba sobu kanu to'o agora la monta hikas.
“Ida ne'e problema boot, tanba nesesidade primaria ensensiál ida ba ema mak bee ne'e. E horikalan mak ha’u foin haree kuandu Bee laiha ne'e susar tebes ba ema. Ita ema presiza bee, e laiha bee”, dehan nia iha Parlamentu Nasionál (PN), tersa (17/08).
Tanba nesesidade esensial dahuluk mak bee-moos, enkuantu Timor-Leste restaura ninia independensia tinan 20 ona, maibé populasaun ne'ebé moris, iha kapitál nasaun sei sente falta ba bee-moos.
“Ha’u hanoin Governu ida ne'e, foin mai iha tinan hira nia laran, nia labele rezolve problema hothotu. Maibé ita hanesan nasaun, ita moris ona tinan 20, e ita seidauk be ita-nia kapitál rasik”, dehan nia.
Tanba ne'e, husu Governu liliu Bee Timor-Leste atu rezolve kestaun kanalizasaun bee-mos ba populasaun sira iha área Karega-Tiru, inklui mós ba komunidade sira seluk ne'ebé to'o agora seidauk asesu ba bee-moos. (*)