"Ha’u hakarak obriga sira (deputadu-funsionáriu) ba iha ospital Nasional, intende ita-nia (sistema) saúde, depuatdu no funsionáriu sira ne'e iha ita-nia sistema de saúde nasionál, se fora husi ida ne'e, se labele, hanesan babain sira halo referénsia ba opsital iha liur. mais labele kiik boot ita halai hotu ba liur, ita la koiñese, ita lakon konfiansa ba ita-nia sistema rasik”, dehan nia hafoin asina akordu ho Ministériu Saude iha salaPN, kinta (26/08).
Tanba, Ministériu Saúde iha dadus kompletu kona-ba deputadu hira no membru Governu hira mak ba konsulta iha HNGV, dalaruma sura ho liman fuan de'it, tanba realidade membru Governu liliu polítiku sira durante ne'e, gosta ba halo tratamentu iha rai liur no lakoi fiar sistema saúde Timor-Leste nian.
"Primeiru kala sira iha osan, karik la dun fiar ita-nia servisu saúde iha ne'e, laiha konfiansa, entaun Parlamentu nasional, hanesan politiku tenke konsistente, mai ita reforsa ita-nia sistema saude, fó konfiansa ba ita-nia médiku sira”, dehan nia. (*)