"Liliu mak ho situasaun ida hanesan ne'e, ne'ebé mak ita bele izola iha ita-nia uma, ita iha uma bele halo reflesaun ida, ita bele halo orasaun ida, hodi hanoin hikas fali ita-nia pasadu hanesan 30 de agostu 1999", dehan nia ba www.tempotimor.com liuhusi telefone, segunda (30/08).

Maske iha loron konsulta popular, povu enfrenta situasaun difísil teb-tebes, maibé povu konsege tau lia ida de'it katak, tenke hamosu rasik diretu universáriu ida, hodi deside kria nasaun RDTL, liuhusi ejisténsia konsulta popular iha tinan 22 liuba.

Tanba ne'e, fó agradese ba lideransa sira ne'ebé agora sei moris, atu buka meiu oinsá bele fó liman ba malu nafatin, atubele lori dezenvolvimentu ne'e ba oin.

Maibé deklarasaun konfinamentu obrigatóriu iha Dili nomós serka sanitária iha munisípiu Ermera no Baukau ne'ebé mak labele fó liberdade ba povu atu komemora loron espesiál ida ne'e, tanba moras Covid-19 ne'e ema hotu tenke atensipa, katak saúde ne'e importante.

"Tanba altura ne'eba ha'u fiar katak ita mate barak ona, lakohi tan atu mate tan de'it moras Covid-19 ba dala ida tán", hatete nia.

Husu sidadaun hothotu, tempu ona atu fó orasaun nafatin ba malu, bele hari'i unidade iha dezenvolvimentu ne'e, la'o ba oin.

Tanba, momentu ne'ebá, tempu ne'ebé difísil, balun fó-an ba mate, balun hetan torturasaun husi ema inimigu sira, balun la hetan nia isin mate to'o agora.

Deputadu bankada Uniaun Demokrátiku Timorense (UDT), Francisco David Xavier Carlos, konsidera Timor-Leste sai hanesan nasaun ida tanba vitória tomak fó husi povu aileba sira.

Iha tinan 1975 to'o iha 1999, haree katak iha tempu ne'eba portugal ultrapasa, krize ekonomia, krizi polítika iha rai laran, mak iha 25 de abril, portugal abandona hela povu Timor-Leste atu forma partidu polítiku, maibé tempu ne'eba Timor-Leste laiha maturidade polítik, no interpreta katak partidu polítiku ne'e hanesan inimigu oho malu. (*)