Tuir ajenda númeru 288/V (4a), ne’ebé fó sai husi meza Parlamentu Nasionál katak, iha prosesu abertura ne’e sei preside husi Vise Prezidente Parlamentu Nasionál (PN), Maria Angelina Sarmento, hamutuk ho deputadu sira ne’ebé durante ne’e resesu hodi fila hikas ba hala’o funsionamentu normal iha sesaun lejislativa da-haat nian.
Vise Prezidente PN, Maria Angelina Sarmento hatete, dadauk Parlamentu Nasionál retoma hikas ninia kontinuidade V Lejislatura ho IV Sesaun Lejislativa husi loron 15 Jullu tinan 2022.
“Kada Sessão Lejislativa hatudu nia nível produtividade, iha nia dezafiu no nia dinámika sira oinsá hasoru no fó solusaun ba dezafiu sira. Para além de komprimenta nia deveres konstitutionál no rejimentál, Parlamentu Nasionál iha mós responsabilidade atu atualiza ba públiku, ba sidadaun sira ka ba povu tomak, nia empeñamentu no nia dezempeñu durante Sessão Legislativa ida ne’e”, dehan nia hafoin hala’o abertura ba sesaun lejilativa da-haat iha plenária Parlamentu Nasionál, kuarta (15/09).
Tanba Povu mak nain ba soberani no na’in ba poder polítiku iha Estadu ida ne’e tuir (artigu 1 no art.2, husi konsatituisaun no (art.62, KRDTL), fó fundamentu ba Parlamentu Nasionál nia responsabilidade atu relata ba Povu saida mak nia halo no hasoru durante Sessão Lejislativa ida.
Enkuantu iha prosesu ne’e meza sei fó oportunidade ba deputadu sira husi bankada PUDD, FM, UDT, KHUNTO, PD, PLP, CNRT, no bankada FRETILIN hodi hato’o sira-nia liafun ruma molok tama ba sesaun lejislativa da-haat iha lejislatura da-lima nian. (*)