"Mensazen Prezidente nian tenke reprezenta Estadu ho didi'ak ho dignidade", dehan Embaixadór Timor-Leste ba Nasaun Mozanbiké, Francisco Miranda Branco, iha Palasíu Prezidensiál Bairopite, segunda (08/11).

Nune'e sei buka forma oioin atu halo aproximasaun ho pais ne'ebé reprezenta ho pais Timor-Leste e buka interkambiu husi intelektuál sira, estudante sira atubele koñese malu di'ak liután.

Embaixadór Tailándia, Juvêncio de Jejus Martins hatete, sei hadi’a no hatutan kontinua haburan tan área edukasaun, tanba iha Tailándia universidade mesak di'ak, nune'e Timoroan balun gradua ona e hela timoroan balun mak sei hala'o hela Estudu.

"Ha'u sei husu para bele hasa'e tan ita-nia bolsu estudu iha ne'ebá, e bele buka tan ema nia bolsu estudu iha ne'ebá iha tan bele fó ba ita-nia estudante sira atu ba, e segundu mak turismu, tanba ita boot sira hatene turismu iha Tailándia muiti avansadu ida ne'e mak ha'u hakarak esplora”, esplika nia.

Haree mós kona-ba saúde tanba Tailándia hakarak apoiu Timor barak e sira frize mós kona-ba farmásia tanba sira hakarak loke farmásia boot iha Timor.

"Sira atu husu ita-nia populasaun atu kuda ai, ai sira ne'ebé atu halo ai-moruk ne'e e sira husu ba ita-nia populasaun mak kuda e depois sira hola mai tama ba farmasia ne'e, keta boot ita lalika hola tan aimoruk husi liur ida ne'e mak sira hakarak halo", dehan nia.

Enkuantu Embaixadór husi reinu Bélgika ho Mozabiké sei aranka iha loron 15 fulan-novembru 2021 no Embaixadór Tailándia sei aranka iha 26. (*)