"Ha'u la buka votu ida, seidauk iha tempu atu buka votu nian, ne'e Prezidente Repúblika hala'o ne'e hodi halo diálogu ho ita-nia komunidade ida ne'e uluk kedan la'o ne'e mak nia rohan mak mai. Agora kontinua la'o nafatin e sei la'o nafatin”, dehan PR Lú Olo hafoin presta omenajen ba erói da patria iha Ossuáriu Ainaro, kinta (18/11).
Tanba ne’e, husu ba komunidade sira labele kahur politika ho aktu Prezidente Repúblika nian hodi halo diálogu.
Vise Prezidente Bankada CNRT, Patrocino Fernandes katak, Prezidente Repúblika, Francisco Guterres ‘Lú Olo’ nia vizita ba munisípiu sira ne'e hanesan halo kampaña antisipada ida mós ba Eleisaun Prezidensial períodu 2022-2027.
“Ha'u hanoin dala ruma preokupasaun públiku bele loos katak, nia halo kampaña antisipada ka antes ona, tanba nia mandatu besik remata ona, no tina-tinan tau osan nusa nia la ba halo vizita iha munisípiu sira, maibé agora atu tama ona ba eleisaun mak foin nia vizita ba munisípiu sira, nia mós fó sai ona ninia vontade ba públiku katak, nia iha intensaun atu kandidata-an ba Eleisaun Prezidensiál tinan 2022-2027 nian”, dehan nia. (*)