Vise Xefe Bankada CNRT, Patrocino Fernandes, ko'alia asuntu ne'e tanba vírus foun ne’ebé hanaran Omicrom oras ne'e dadaun invade ona iha Indonézia, Maibé Governu liuhusi Ministériu Interiór kontinua loke fronteira terestre entre Timor-Leste ho Indonézia ba públiku.
"E bankada CNRT preokupa ho situasaun atuál ne’ebé Governu halo liliu loke livre hela fronteira terrestre, tanba variante Omicron oras ne’e hahú buras iha Indonézia”, dehan Patrocino iha PN, sesta (17/12).
Deputadu Bankada CNRT ne'e preokupa tanba aprova Orsamentu Jerál Estadu (OJE) ne’ebé PN aprova ona, keta halo ba tinan oin Governu seidauk ezekuta enkuantu mosu tan variante foun.
"Keta halo hafoin ita aprova tiha Orsamentu Jerál Estadu 2022, ita tama hikas fali ba Esatdu Emerjénsia nune’e bele sai razaun ba Governu atu la halo dezenvolvimentu”, afirma nia. (*)