"Horisehik ha’u lee iha jornal, iha maluk barak mak krítika kona-ba Naimori, Konselleru Superior partidu KHUNTO nian, dehan Ministèriu Agrikultura nian hatama manu husi rai liur mai atu fó ba konseleru superior hodi futu manu. Agora hau dehan hanesan ne'e, Partidu KHUNTO hetan kadeira lima la’ós hodi manu husi Indonézia nian mai mak hodi be hetan kadeira lima ne'e la'e, la'ós ida ne'e”, dehan nia ba www.tempotimor.com iha PN, tersa (21/12).
Bankada KHUNTO husu ba entidade hotu bainhira kritika, tenke haree ho matan, rona ho tilun inklui tenke kritika ho konstrutivu.
Tanba ne’e kritika babain ema barak mak sempre halo, no bainhira entidade sira halo ida ne'e mak sira-nia kritika sira ne'e sei konsideradu hanesan (lagu lama) no la ho konstrutivu.
Pozisaun KHUNTO prontu atu hasoru ema ne'ebé krítika asuntu ida ne'e, no prefere atu ema ne'e bele ba ko'alia direta ho deputadu sira.
"Manu ne'e Naimori mak haruka mai, para mai fahe iha timor atubele futu ne'e laloos. Naimori la'ós agora mak futu manu, Naimori la’ós agora mak joga”, hatete nia.
Enitdade sira ne’ebé kestiona asuntu ne'e tanba la gosta partidu KHUNTO no nia lahatene manu ne'e fó benifisiu saida ba Timor-Leste.
"Sé mak dehan la fó benifisiu, sé ida ne'e, buat fila liman boot ida, nusa mak la fó benifísiu, e sé dehan la fó benifísiu ne'e, tanba nia lahatene, halo nia produsaun, lahatene haki'ak manu, entaun ne'e mak nia dehan laiha benifísiu ne'e”, afirma olinda. (*)
