PN Submete Diploma OJE 2022 Billaun US$2.176 ba Lú Olo Estuda

By Tempo Timor December 21, 2021 1014

font size decrease font size increase font size
Print
Email

Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)-Parlamentu Nasionál (PN) iha loron 20 dezembru 2021, submete diploma Orsamentu Jerál Estadu (OJE) 2022 ho montante billaun US$2.176 ba Prezidente Repúblika (PR), Francisco Guterres ‘Lú Olo’, atu estuda durabte loron 30 hodi deside promulgasaun ka veta.

Prezidente Parlamentu Nasionál (PN), Aniceto Longuinhos Guterres Lopes hatete, submete ona diploma Orsamentu Jerál Estadu (OJE) 2022 ba Prezidente Repúblika (PR) Francisco Guterres ‘Lú-Olo’ ho prazu durante loron 30 hahú husi loron 20 dezembru 2021 to’o 19 janeiro 2022.

“Proposta OJE 2022, ha’u haruka ona ba Prezidente Repúblika, tuir kompeténsia Xefe Estadu nian, ho prazu loron 30 atu promulga ou veta”, dehan Aniceto iha Parlamentu Nasional, segunda (20/12).

Iha loron 16 fulan-dezembru Parlamentu Nasionál deside aprova proposta-lei númeru 35/V(4a) OJE 2022 iha finál global ho votu a-favór 44, kontra 21 no abstensaun laiha.

Purtantu tetu OJE 2022 ne’ebé Governu submete ba PN iha loron 15 fulan-outubru tinan 2021 ne'e, ho montante hamutuk billaun US$1,675.

Maibé, durante debate espesialidade iha plenária, deputadu sira aprezenta tan proposta adisionál hodi aumenta OJE husi billaun US$1.6 ba billaun US$2.176. (*)

Rate this item

(1 Vote)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com