"Ha’u-nia votu tinan foun, 1 de janeiru 2022, ba hothotu, no maluk timoroan sira hotu ne'ebe mak iha rai laran no rai liur. dame no ksolok ba ita hotu no moris nakonu ho prosperiedade”, dehan Ministru Francisco liuhusi pájina ofisiál, ne'ebé www.tempotimor.com asesu, segunda (27/12).
Ho mensajen dame no esperansa natal ida ne'e, bele leno povu tomak atubele simu tinan foun 2022, ho espíritu no dispoziaun foun, hodi hasoru dezafiu foun ne'ebé sei aprezenta mai ema ida-idak.
Tanba, hanesan povu tomak akompaña, iha tinan 2021, Timor-Leste hakat liu dezafiu rua ne’ebé afeta ba saúde públiku, no inundasaun 4 abril 2022 ne’ebé kuaze estraga infraestrutura barak mak aat.
Iha situasaun ne'e, perturba tebes ba serbisu balun ne’ebé atu fó atendimentu ba públiku liuhusi ema ida-idak nia profisaun, mesmu hanesan ne'e, serbisu barak mak konsege halo hamutuk ona iha 2021.
Ho ida ne'e, Ministru Francisco Jerónimo hakarak hato'o votu dame ho haksolok nian ba funsionáriu hotu ne’ebé hakna’ar-an iha MAPKOMS, no gabinete sira, nomós divizaun ida-idak, ba profisionál komunikasaun Sosiál nian, jornalista sira hotu, sentru informasaun komunitariu iha suku sira, inklui paseiru sira iha servisu komunikasaun Sosiál nian, nomós ba hothotu ne’ebé iha nível nasional no Internasionál. (*)