Deputadu Bankada Kmanek Haburas Unidade Nasionál Timor Oan (KHUNTO), António Verdial hatete, kona-ba mekanizmu Parlamentu Nasionál nian, klaru katak públiku hotu akompaña situasaun hirak ne’ebé mak sai tiha ona realidade sei lori ba Parlamentu Nasional.

"Hanesan família no hanesan kolega deputadu, ha’u labele haklaken sai, tanba kuandu situasaun sai hanesan ne'e ona, klaru katak orgaun soberania liuhusi Sekretáriu Jerál PN sei organiza tuir orden protokolu Parlamentu Nasional ninian”, dehan nia ba www.tempotimor.com iha Mortuariu Ospital Nasional Guidu Valadares (HNGV), tersa (04/01).

Bankada KHUNTO sente hakfodak no triste tanba Parlamentu Nasional lakon kolega no figura di'ak ida ne'ebe durante ne'e haknar-an hanesan reprezentante povu iha Uma fukun, maibé buat hothotu ne'e planu maromak nian entaun, família hothotu tenke simu realidade ida ne'e.

Saudozu Silvino Adolfo Morais, nu’udar responsavél ba partidu istóriku Fretilin iha munisípiu Bobonaro. (*)