"Atu esklarese de'it katak ekipa husi Gabinete Fronteira Marítima, Komisaun B nia prezidente mak señor Xomotso, konvida ami atu mai fo hatene, saida mak la'o dadauk ona, saida mak atu sei halo, saida mak halo tiha ona. ne'ebé ami fo hatene tiha ona mak ne'e de'it”, dehan Xanana hafoin audésia ho Komisaun B iha PN, sesta (21/01).
Ba posesu negosiasaun hirak ne’ebé la’o, tanba komisaun B parlamentu nasionál haree ba polítika externa ho defeza no seguransa, entaun hakarak atu akompaña didi'ak, negosiasaun sira ne'e entre fronteira terestre ho marítima.
"Ne'e be atu bolu ami mai, ohin ami aprezenta tiha ona, ne’ebé mak ne'e de'it, laiha pergunta no laiha resposta”, afirma Xanana.
Prezidente Komisaun B, José Agustinho Siqueira 'Somotxo’ hatete, ekontru ne’ebé hala'o ho Xefe Konsellu Delimitasaun Definitiva Fronteira Marítima, Kay Rala Xanana Gusmão, atu ko’alia pontu situasaun kona-ba servisu sira ne’ebé halo tiha ona, hanesan retifikasaun ba akordu Fronteira Marítima entre Timor-Leste ho Austrália.
Ba fali fronteira terestre ne'e mak hanesan Mota-Ain ba Mota-Masin ne'e problema hotu ona, maibé hela de'it mak konfuzaun balun husi markasaun ka marka sira ne’ebé uluk tau.
"Mais ida ne'e la'ós problema boot. Agora ba Oekussi, problema hothoru rezolvidu tiha ona, só Citrana-Naktuka, ligadu ba Fatuk-suna, ne'e mós negosiasaun la’o tiha ba kuaze 90%. Tanba ne'e ohin atu ko’alia segimentu ida Naktuka nia, negosiasuan foun, entre Indonézia ho Timor-Leste, hahú husi Batugade, Ataúro to'o Jako”, dehan nia. (*)