Ministru Prezidénsia Konsellu Ministru (MPKM), Fidelis Leite Maglhães hatete, rezolusaun ne’ebé aprova fó autorizasaun ba STAE hodi instratura prosedimentu atu define katak produsaun provizionamentu buletin votu.
“Haree ba urjénsia iha akizisaun boletin votu nian ne’ebé nesesáriu ba realizasaun eleisaun ba Prezidente Repúblika, liuhusi Rezolusaun Governu ida-ne’e, fó autorizasaun ba Sekretariadu Tékniku Administrasaun Eleitorál (STAE) hodi instraura prosedimentu atu define katak produsaun aprovizionamentu nian liuhusi ajusta diretu no define katak produsaun husi boletin votu bele realiza husi Imprensa Nasionál Timor-Leste”, esplika Fidelis iha Palásiu Governu, kuarta (09/02).
Projetu Rezolusaun Governu nian ne’e, aprezenta husi Ministru Administrasaun Estatál, Miguel Pereira de Carvalho, ba akizisaun boletin votu nian ne’ebé destina ba eleisaun prezidensiál tinan 2022. (*)