“Falta kampu traballu, ida ne'e provoka joven sira kuandu laiha atividade, laiha kampu traballu, laiha rendimentu ba sira-nia vida ne'e, halo sira frustradu as liután, e halo sira hanesan ema Indonézia nian, pelampiasan ne'e liuhusi dalan sira ne'ebé mak ladún produtivu ona e halai ida ikus ba liu ida violénsia nian”, hatete nia ba www.tempotimor.com iha PN, kuarta (09/02).

Tanba, kazu omesidu no violénsia domestika, ne'ebé komete husi joven sira, ida ne'e iha indikasaun, tanba joven iha periodu ida ne'ebé mak sira-nia frustrasdadu ne'e to'o ona iha pontu balun ne'ebé hahalok sira aloka liuhusi dalan ne'ebé mak estremu.

“Entaun saida mak akontese ba sira iha situasaun ida ne'e, ita bele haree agora falta de kampu traballu”, afirma nia.

Ho Ida ne'e, kauza sira ne'e filafali ba Governu ninia planu ida atu kria kampu de traballu ne'e halo nusa.

"Ne'e jornalista sira tenke ba husu, katak ita-nia planu kria kampu traballu ne'e to'o iha ne'ebé ona, tanba agora ita haree realidade joven sira kontinua sein traballu”, hatete nia. (*)