Tempotimor (Dili)- Eis Diretór Terras Propriedade no Servisu Kadastral no atuál deputadu husi partidu KHUNTO António Verdial laiha koñesimentu ba kontratu ka akordu hirak ne'ebé mak kompaña ENSUL halo ho Governu Timor-Leste hodi la fó arrendamentu ba estadu, durante tinan sanulu nia laran.

Tempotimor (Dili) - Ministru Parlamentár no Komunikasaun Sosiál, Fransisco Jerónimo, promete sei aprezenta preokupasaun deputadu sira nian kona-ba Lei Difamasaun iha reuniaun Konsellu Ministru.

Tempotimor (Dili) - Deputadu Parlamentu Nasionál husu ba governu liuhusi Ministériu Edukasaun (ME) tenke kria politika ida di'ak atu fo fleksibilidade ba estudante hotu bele pasa iha ezame trimestrál no nasionál.

Tempotimor (Dili) – Membru governu ne'ebé seidauk kompletu iha VIII governu, sai ezijensia Partidu KHUNTO. KHUNTO mós husu Primeiru Ministru Taur Matan Ruak, atu hakotu lalais empase polítika.  

"Nu'udar reprezenta povu, ne'ebé mai husi Partidu Kmanek Haburas Unidade Nasionál Timor-Oan (KHUNTO) ha'u kestiona. Tanba ne'e, husu ba Sekretáriu Estadu Komunikasaun Sosiál (SEKOMS) atu tatoli hela Partidu KHUNTO nia halerik ne'e ba Primeiru Ministru," hatete deputadu António Verdial de Sousa iha plenária PN, Tersa (10/12/19)

Tuir Bankada KHUNTO, situasaun real ne'ebé liga ho asuntu governasaun no governativa, ladauk kompleta.

“Bainhira mak ita kompleta no ita hein to'o bainhira? Loron ba loron ita dada malu no dudu malu. Kleur tebes. Karik, bele lalais hakotu tiha empase polítika ida ne'e, para ita serbisu ba nasaun no povu kbiit laek sira," dehan Verdial.

Vise Prezidente Bankada KHUNTO ne'e afirma, tanba de'it interese, povu sai terus tanba povu hein hela dezenvolvimentu.

Hatán ba kestaun ne'e, Sekretáriu Estadu Komunikasaun Sosiál (SEKOMS), Merício Juvenal dos Reis Akara resposta, PM halo ona nia kompeténsia. Maibé, Prezidente Repúblika (PR) mak seidauk fó pose.

"Primeiru Ministru propoin ona. Maibé, lista sira ne'e husu para hetan tomada de pose. Maibé, to'o agora seidauk. Seidauk resposta husi Prezidente Repúblika. Ne'ebé, se ita boot sira iha oportunidade ka dalan karik bele halo konfirma direita ba PR. Tanba ne'e, PM halo ona nia parte tuir lei," dehan Akara.