Tempotinor (Dili)- Polísia Nasionál Timor-Leste (PNTL), liuhusi Komandu Munisípiu Dili (KMD), sei halo pasa revista ka ‘embuskada’ ba adeptus husi Portugál ho França iha fatin sanulu hodi asegura estabilidade seguransa.

Tanba, dala barak ona, bainhira jogu remata adeptu sira halo komboiu iha dili laran to'o provoka malu mosu tuda malu.

Jogu ba Taxa Euro Portugal kontra Fransa iha loron 24 fulan-juñu, tuku 04:00 oras timor-leste (otl), iha estadiu Puskás Aréna, Budapeste-Hungria. PNTL mós asegura estabilidade seguransa ba adeptu sira hodi evita kríme durante jogu la’o to’o remata.

"Ekipa ne'e orsida sei halo pasa revista iha fatin sanulu, ba fatin sira ne'ebé mak identifikadu ona, no husu ba adeptu sira halo movimentu nafatin kumpre kódigu estrada ninian no respeitu mós ema seluk nia direitu”, informa Komandante PNTL Munisípiu Dili, Superintendente Xefe Polísia, Henrique da Costa, iha Salaun Sorumutuk, Ministériu Interior (MI), Vilaverde, kuarta (23/06).

Maske identifika ona fatin, maibé komandu rasik la fó sai ba públiku no konsidera hanesan segredu atu nune’e adeptu sira la’o iha estrada públiku ho kuidadu no atensaun bainhira laiha dikumentu no asesoria transporte.

Tanba ne'e, husu ba adeptu sira iha Timor-Leste (TL), atu respeitu ema husi nasaun sira seluk nia simbolu hanesan bandeira, tanba iha nasaun sira seluk sidadaun sira respeita, maibé iha TL tanba de'it fanátiku ba Jogadór balun, ikus mai uza sala ema nia bandeira hodi tara halai tun sa'e.

“Tanba ne'e PNTL sei halo atuasaun nafatin hanesan iha semana rua kotuk konsege prende motorizada hamutuk (146), agora mós eskuadra polísia sira iha Munisípiu Dili nia ne'e sei aplika hotu ida ne'e", afirma nia.

Durante operasaun, komandu Munisípiu Dili sei hetan apoiu mós husi Komandu Jerál, inklui Unidade sira hanesan BOP, UEP, ho UPF, hodi halo patrollamentu ba to'o kada bairru sira, nune'e bele evita konfrontu.

"Labele uza motorizada kanu tesin ba gás iha fatin públiku no Bairu-laran hodi gangu ema seluk nia toba liliu ema oan nurak no moras sira deskansa, ita ba provoka no halo barullu”, haktenik nia. (*)

Tempotimor (Dili)-Ministru ba Asuntu Parlamentar no Komunikasaun Sosiál (MAPKomS), Francisco Martins Jerónimo, informa, sidadaun sira ne’ebé hakarak atu halo viajen ba munisípiu tenke hatudu kartaun vasinasau ba doze daruak.

Tempotimor (Dili)-Polísia Nasionál Timor-Leste (PNTL) liuhusi komandu Munisípiu Dili, aviza motorista transporte públiku sira atu renova dokumentu ne'ebé lakon ho mate iha Diresaun Nasionál Transporte Terrestre (DNTT) hafoin bele sirkula.

Tempotimor (Dili)-Polisia Nasionál Timor-Leste (PNTL) liuhusi Komandu munisípiu Dili hala’o avaliasaun servisu ba Polísia Tránzitu iha durante ne’e iha públiku. 

Tempotimor (Dili)-Polísia Nasionál Timor-Leste (PNTL) liuhusi komandu munisípiu Dili prende motorizada hamutuk 146, iha jogu kopa Euro nasaun Portugal kontra Alemaña, domingu (20/06).

Tempotimor (Dili)-Bankada Uniaun Demokrátiki Timorense (UDT) no Frente Revolusionáriu Timor-Leste no Independente (FRETILIN) iha Parlamentu Nasionál (PN) kontinua ejize ba governu atu rekrutamentu membru Falintil-Forsa Defeza Timor-Leste (F-FDTL) no Polísia Nasionál Timor-Leste (PNTL) foun tenke iha nasionalizmu no partiotizmu.

Tempotimor (Dili)-Polísia Nasionál Timor-Leste (PNTL), liuhusi Departamentu Tránzitu Nasionál Seguransa Rodoviária sei kontinua buka tuir motorista laiha karta kondusuan (ilegál) ne’ebé utiliza transporte iha estrada públiku.

Tempotimor (Dili)-Polísia Nasionál Timor-Leste (PNTL), liuhusi Departamentu Tránzitu Nasionál Seguransa Rodoviária, deside aban loron sábadu (20/06) sei blokeia estrada públiku sira kapitál Dili laran hodi evita adeptu nasaun sira ne’ebé partisipa jogu iha taxa Euro 2021 labele halo movimentu.

Tempotimor (Dili)-Polísia Nasionál Timor-Leste (PNTL), liuhusi komandu Munisípiu Dili rejísta insidente ne'ebé akontese iha eskduara Postu Administrativu Dom Aleixo sai risku ba konlfitu, tanba númeru insidente ne'ebé aas.

Tempotimor (Dili)-Polísia Nasionál Timor-Leste (PNTL) liuhusi komandu Munisípiu Dili, iha fulan-abríl no Maiu tinan 2021 konsege rekolla koimas rihun US$18,854 ba kofre estadu.