Tempotimor (Dili)-Polísia Nasional Timor-Leste (PNTL) liuhusi komandu munisípiu Dili, kaptura sidadaun mane na'in-2 iha pontu entrada Tasitolu, tanba falsifika dokumentu hodi viájen ba mai munisípiu Dili.

Tempotimor (Dili)- Polísia Nasionál Timor-Leste (PNTL), husu ba komúnidade sira labele rekuza ba teste Swab ne'ebé dadaun halo obrigatóriu.

Tempotimor (Dili)- Polísia Nasionál Timor-Leste (PNTL) liuhusi Polísia Nasionál Servísu Investigasaun Kríminal (PNSIK), investiga ona CP ho JAP ne'ebé loke festa iha area Kolmera, Postu-administrativu Vera Cruz, Munisípiu Dili.

Tempotimor (Dili)-Koordenadór Peskiza Fundasaun Mahein (FM), Sancho Xavier, konsidera Governu altera dekretu governu 14/2021 de 29 de Abril kona-ba Teste Swab tenke halo obrigatóriu, ne'e kontra direitu umanu no prinsípiu demokrasia.

Tempotimor (Dili)- Organizasaun Sosiedade Sivíl husu Governu fasilita teknolojia ba Polísia Nasionál Timor-Leste (PNTL) no FALINTIL-Forsa Defeza Timor-Leste (F-FDTL) hodi monitoriza movimentasaun ilegál iha área fronteira.

Tempotimor (Dili)- Komandu Polisia Nasionál Timor-Leste (PNTL) orienta komandu munisipiu Dili hodi halo identifikasaun ba ema ne’ebé diskonfia na’ok motor, no konsege kaptura hodi detein sidadun na’in tolu.

Tempotimor (Dili) - Ministériu Interiór (MI) kontinua tau prioridade ba formasaun ba Polisia Nasional Timor-Leste (PNTL) hodi evita atuasaun ho fíziku husi Oknum PNTL ba komunidade iha terrenu.

Tempotimor (Dili)-Moris nu'udar oportunidade, ne'ebé rai hela memória lubuk ida iha rai, liu-liu iha nasaun Timor-Leste, maibé moris ne'e la kleur de'it hanesan lilin ne'ebé hahú mohu naben.

Abel Vicente Tilman nu'udar ajente prinsipál ida husi Unidade Patrollamentu Fronteira (UPF) Polísia Nasionál Timor-Leste (PNTL), ne'ebé hala'o ninia servisu iha seksaun justisa nian, maibé derepente de'it hetan atakasaun iha fuan, ikus mai Abel tenke remata nia peregrinasaun iha mundu.

Ba situasaun triste ne'e Komandante UPF Superentendente Xefe João Sancho Pires espresa nia sentimentu triste tanba lakon ajente di'ak ida ne'ebé tinan barak servisu maka'as ba Timor-Leste.

“Moras ataka derepente iha servisu fatin, ha’u orienta ekipa operasaun lori kedas ba ospitál Balibo, maibé to'o ne’ebá doutór ko’alia katak, nia sofre fuan,” dehan Komandante UPF ne'e iha Komandu Jerál PNTL Kaikoli, Dili, Segunda (5/10).

Komandante ne'e mós akresenta, Komandu Jerál PNTL fó ona orientasaun ba komandu UPF koordena ho familia sira hodi hala’o serimónia funebre iha matebian nian moris fatin.

“Ami lori ona matebian ba Betanu, aban (6/10) maka sei halo serimónia funebre,” Nia dehan.

Komandu UPF mós aprezenta ona lista ba Komandu Jerál PNTL atu kontinua trata matebian ninia direitu tuir lei seguransa siosiál nian.

Iha fatin hanesan, Komandu Jerál PNTL mós hato’o sentidu kondelensia profunda ba UPF no familia oan ki'ak sira.

“Komandu Jerál PNTL lakon nia membru di’ak ida ne’ebé hakotu nia iis iha horseik tuku 6:00 dadersan. Tanba ne'e Komjer hato'o sentidu konsielénsia ba UPF no familia sira ne'ebé hela, ” tenik nia.

Realidade ne'ebé akontese ba membru UPF ne'e, Arnaldo husu ba membru sira atu tau konsiderasaun aas, bainhira moras tenki halo tratamentu ba saúde hodi evita membru moras derepente.

Entretantu ajente prinsipál UPF Abel Vicente Tilman ne'e ho mate ho idade 33. Matebian ne'e moris iha Postu Administrativu Betanu, Munisípiu Manufahi. Hahú hala’o ninia misaun iha Departementu Justisa UPF nian, iha tinan 2013 to'o ninia peregrinasaun ikus.(*)

Tempotimor (Dili) - Relasiona ho krime sira ne'ebé ikus-ikus ne'e akontese iha areadór eskola sekundária públika sira, maka Polisia Nasionál Timor-Leste (PNTL) hamosu tan Ofisiál Polisia Eskola (OPE) hodi destaka iha eskola 6, iha kapitál Dili.

Tempotimor (Dili)-Kazu sona estudante Universidade da Pas (UNPAZ) hamosu preokupasaun balun, liu-liu tanba kazu ne'e akontese iha membru Polisia Nasional Timor-Leste (PNTL) nia "inus tutun".