“Mate isin traballadór Timoroan Armando nian hetan ona no iha hela motuáriu kontinua prosesu hela tanba ne'e entre nasaun ho nasaun”, dehan Sekretáriu Estadu Formasaun Profesionál no Empregu (SEFOPE), Alarico do Rosario, iha Salaun DNEE Bekora, tersa (08/03).
Dadaun ne'e, mate isin hetan ona no hein prosesu tuir mai tanba Timor-Leste mós presiza kumpri regra husi nasaun Korea Súl. Nune'e prosesu investigasaun ne'e remata polisia sira sei lori relatóriu ba tribunál hafoinn deside hotu no transporta kedas mai Timor-Leste.
“Ita seidauk hatene lolos katak mate isin ne'e bainhira mak mai tanba ita sei hein prosesu ne'e mak foin bele iha desizaun husi ne'ebé”, informa nia.
Enkuantu aviaun reguler atu tula mate isin mai Timor laiha nune'e hein data ne'ebé fiksu no prepara orsamentu oinsá aluga aviaun tula mate isin mai Timor. (*).
