“Asuntu kritiku liliu kona-ba Navál nian, meiu ida patrollu Navál ninian ita laiha, ita-nia tasi boot agora manutensaun susar”, dehan Tenente Jenerál Falur hafoin finaliza audénsia ho PR Horta iha Palásiu Prezidensial Bairo Pite, sesta (02/09).
Tanba enkontru ne'ebé hala'o husi F-FDTL ho Prezidente Repúblika, atualiza mós situasaun atual forsa ninian, nomós asuntu kritiku sira iha instituisaun F-FDTL nia laran.
Ba preokupasaun ida-ne'e, Prezidente Repúblika mós husu F-FDTL nia opiniaun no hanoin sira atu nune'e Xefe Estadu bele ko'alia bainhira hala'o vizita ba Austrália.
Tanba sira-ne'e hotu F-FDTL tenke halo oinsá koopera ho pais viziñu sira hodi halo patrolla konjunta hamutuk halo sai modelu ida.
Maibé ko'alia kona-ba Ró Navál rua ne'ebé sei oferese husi Austrália ida-ne'e mídia no públiku hatene tiha ona katak tinan 2023 mak foin Ró rua mai Timor-Leste.
Iha fulan-juñu foin lalais Tenenta Jenerál F-FDTL rasik ba halo lansamentu fatuk dahuluk iha Irapet, Sidade TEL, fatin ne'ebá framuntel ho Kompana Austrália fábriku rua.
Purtantu kona-ba Portu Navál iha Hera dadauk Austrália mak halo hela prosesu konstrusaun hodi prepara ba ró ne’ebé sei mai iha tinan 20233. (*)