Komandante UPF, Superintendente Polisia, Euclides Belo, informa timor oan na’in-rua ne'e, kaptura liu hosi operasaun rutina iha fronteira.
"Suspeitu na’in-rua, ekipa halo vijilánsia durante oras 8 nia laran no kaptura iha oras 11:08 kalan, wainhira sira hatama motor hosi mota sorin area Indonezia nian mai iha TCL-4 iha Suku Batugade, Postu-Administrativu Balibo, Munisípiu Bobonaro", Euclides Belo, afirma iha kna’ar fatin, Kuartel UPF Nu badak, sesta (16/09).
Nia dehan, suspeitu na’in-rua hamutuk ho evidensia motor asegura ona iha Kuartel UPF hodi halo identifikasaun.
"Daudaun suspeitu na’in-rua lori ona ba Kuartel UPF, Fatuk Bot hodi presta deklarasaun hafoin sei entrega evidénsia no suspeitu sira ba Eskuadra PNTL Batugade hodi kontinua halo prosesu investigasaun", nia hakotu. (*)
