Nune’e, ekipa tránzitu halo hela sweeping ba kondutór sira ne’ebé la uza uniforme sei aplika multa US$75.
"Sira ne'ebé la uza farda kompletu sei selu multa US$75, mak kondutor balun uza de'it kalsa sei selu multa US$35 no uza de’it faru sei multa US$40", dehan nia iha kaikoli, segunda (23/10).
Tanba ne'e, husu ba kondutor transporte publiku sira atu hatudu profesionalizmu liu husi uza farda kompletu bainhira lori transporte.
"Labele hetan polísia foin hakfodak uza uniforme, maibé obrigatoriu atu uza nafatin uniforme hodi hatudu imi nia servisu profesionalizmu iha públiku", nia husu.
Husu mós ba kondutor sira atu labele fuma sigaru bainhira konduz hela kareta, tanba sei prezudika ema nia saúde no dezastre.
"Lori kareta akompaña ho fuma ne'e, halo passajeiru sira la konfortavel no prezudika mós ba passajeiru sira nia saúde, inklui dezastre, tanba asidente ne’e dalaruma ita fuma la kontrola bele prezudika mós ba iha asidente”, nia dehan.
Nune’e nafatin husu ba hotu-hotu ne’ebé atu sai kondutor ba transporte públiku tenki ho konsiensia. (*)