Deskonfia Suspeitu Covid-19 iha TL, PM Taur Orienta MDS Asegura Seguransa

MDS, Filomino de Jesus Paixao MDS, Filomino de Jesus Paixao Foto suplai

Tempotimor (Dili) - Deskonfia ema ida suspeitu ba Corona Virus Diseases 2019 (Covid-19) iha Timor-Leste, Primeiru Ministru (PM), Taur Matan Ruak, fó orientasaun ba Ministru Defeza no Seguransa (MDS), Filomeno da Paixao de Jesus, atu asegura seguransa iha rai-laran.

"Ohin Primeiru Ministru bolu diretamente ha’u fó instrusaun no orden para oinsá ami defeza ho seguransa bele fó kolaborasaun ne'ebé másimu ba iha prevensaun Corona Virus", dehan Ministru Paixao, iha Palásiu Governu, Segunda (9/3).

Nia hatutan, hasoru-malu ho Primeiru Ministru bolu hodi ko'alia mós kona-ba, oinsá bele kolabora ho ekipa Taks Force sira iha kada ministériu, nune'e ba oin la'o ho di’ak.

Deskonfia ona suspeitu ema ida iha Timor-Leste ne'ebé afeta ba moras Covid-19 no ekipa médiku mós haruka ona amostra husi suspeitu ba Austrália hodi hala'o teste, To’o oras ne’e seidauk hatene serteza rezultadu husi teste ne’e.

Dadus ne'ebé  www.tempotimor.com asesu atualizasaun surtu Corona virus ka COVID-19 husi Organizasaun Mundiál Saúde (OMS), data 9 Marsu 2020, globalmente kazu konfirmandu 110.034. 

Entretantu, iha Xina (risku tebes) kazu konfirmandu 80.735. País sira afetadu maka’as Koreia Súl kazu 7.382, Itália 7.375, Iraun 6.6.566, Fransa, 1.209 no Alemaña 1.040. País sira seluk, deteta kazu sei menus husi 100.

Nune’e, iha nasaun viziñu Indonézia pozitivu ba kazu Covid-19 hamutuk pasiente na’in 19. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.