Jenerál Lere simu keixa balun hosi komunidade katak forsa baku populasaun.

Lere fó ezemplu, foin daudaun sira hakanek Polísia ida iha rotunda, maibé tanba saida mak tenke hakanek polísia ne'e bainhira polísia kumpri misaun.

"Entaun, ha'u husu Polísia la baku, sim. La baku arbiru sim. Tan ne'e ha'u husu ba komunidade lalika provoka, provoka beibeik forsa ho polísia enkuantu halo nia misaun", dehan Lere hafoin enkontru ho Prezidente Repúblika, Francisco Guterres 'Lú Olo' iha Palásiu Prezidensiál, Bairru-Pité, kuarta (10/2).

Lere hateten relasiona ho kazu sira-ne'e komunidade komesa kondena ona forsa ne'e sala, maibé labele kondena rona de'it husi parte ida.

"Ha'u hakarak esklarese, ba ita-nia komunidade tomak, forsa la'ós bulak baku ema arbiru de'it, polísia mos la'ós bulak baku ema arbiru de'it, a não ser lanu," haktuir Lere.

Lere seidauk kondena nia soldadu no haruka investiga no prosesu hirak ne'e.

"Ha'u autoriza ha'u-nia forsa, até polísia mós autoriza baku ema, ba tuku ema autoriza," dehan Jenerál Lere.

Lere fó hanoin komunidade ne'ebé foin lalais hakanek polísia ida iha Rotunda, Comoro atu labele hakanek polísia ne'e.

"Mas kuandu iha misaun servisu labele provoka, purke ema nia misaun," Jenerál Lere fó hanoin ba komunidade. (*)