Tékniku na’in-2 ne’ebé mate, tanba eletrisidade ne’ebé soke, bainhira halo hel servisu instalasaun ba rede Internet.
Informasaun ne'e, rekolla husi komandu Polísia Nasional Timor-Leste (PNTL) iha Munisípiu Bobonaru no relata husi relatóriu Komandu jerál iha Kaikoli, Dili.
Portavóz komandu jerál PNTL, Superintendente Polísia Arnaldo de Araújo informa, insidente ne'e mosu iha loron 12 fulan-abril tinan 2021 ne’e, tanba de'it la kuidadu ba enérjia eletriaidade ne'ebé funsiona hela.
"Tuir relatóriu ne'ebé ke hato'o mai, ema ne'e servisu iha telkomcel, e vítima na'in-rua mate tanba hetan soke husi eletrisidade”, informa Arnaldo iha Kaikoli, tersa (19/04).
Entretantu, vítima na’in-rua ne'e ho naran inisiál RC ho CB, no informasaun klean kona-ba akontesimentu insidente ne'e, dadaun ne'e PNTL Munisípiu Bobonaru hala'o hela prosesu investigasaun.(*)
