“Insidente ne'ebé akontese iha serka sanitáriu hahú husi loron 14 to'o 18 fulan-maiu tinan 2021 hamutuk 30 kazu”, dehan Arnaldo iha komandu Jerál PNTL Kaikoli, tersa (18/05).

Husi númeru ne’ebé rejista ho tipu hanesan, asaltu malu 19, balu malu 2, tuda malu 1, na'ok 1, estragu sasán 1, ema lanu 1, tara-an 2, ema mout iha tasi 1 no violénsia domestika 9.

Bazea ba akontesementu ne'ebé viral los iha mídia sosial iha loron 15 fulan-maiu kona-ba akontese ró mout iha tasi ho ema na'in-7 tula ho sasán konstrusaun nian husi Dili ba Ataúru.

“To'o agora hetan ona ema na'in-5, na'in-3 moris, na'in-2 mate no 2 seluk seidauk hetan”, dehan nia.

Maibé, na'in-2 ne'ebé seidauk hetan Unidade Polísia Marítima (UPM) ho Naval Falintil-Forsa Defeza Timor-Leste (F-FDTL) sira sei buka tuir hela.

Prosesu ba kazu ida ne'e, servisu investigasaun kriminal foti ona, hodi buka hatene kona-ba kauza, tanba saida ró ne'e mout. (*)