Bankada CNRT simu informasaun ne'e, husi pesoál balun iha postu administrativu Bazartete, Munisípiu Likisá no oras ne'e ema protesta ba naran ida ne'e.

“Dadauk, iha lista finál ba rekrutamentu forsa defeza nian ne'e, hamosu deskontenta iha postu administrativu Bazartete, kandidatu ida ne'ebé ninia aman asasiniu ida uluk halo presaun ba ita-nia rejisténsia sira baku hamutuk ho militar sira, e oras ne'e dadauk ninia oan liu ona iha rekrutamentu F-FDTL”, hatete nia iha plenária PN, segunda (31/05).

Ho ida ne'e husu governu liliu Ministériu Defeza atu muda sistema rekrutamentu ne'e hanesan ho Indonézia nian.

“Tanba ne'e mak povu ninia hanoin katak, en melhor sistema rekrutamentu ne'e tenke ser liuhosi litsos, para ita bele hatene dehan ema ne'e se, ninia background ne'e oinsá, ninia família, aman inan, envolve buat ida organizasaun ka la'e, tanba se lae hamosu duni buat ida deskontentamentu”, afirma nia.

Maibé atu rezolve situasaun ne'e, pozisaun bankada CNRT mós iha ona evidénsia atubele haruka ba Sekretáriu Estadu no Komunikasaun Sosiál (SEKOMS).

“Orsida ha’u bele enkamiñia naran ba sua exelénsia Sekretáriu Estadu no Komunikasaun Sosiál (SEKOMS)”, hatete nia.

Nune’e mós, Deputadu UDT, Francisco David, ejize governu wainhira halo selesaun ba kandidatura F-FDTL tenke buka tuir ninia background.

“Test ba ema ne'ebé (kandidatu) calon ba forsa armada no PNTL, buka tuir husu sira-nia beiala, sira-nia viza avo, no sira-ninia inan aman, tanba barak ne'ebé agora sei milisia hela iha Atambua-Indponézia iha ne'ebá”, dehan nia. (*)