"Prezidente Repúblika nia moras rekuperadu ona, tanba ne'e mak ohin halo reuniaun konsellu estadu liuhusi Zoom e médiku sira mak rekomenda prátika normál iha fatin hothotu, evita kontaminasaun atu la bele prejudika liután lori perigu ba Prezidente", dehan Xefe Casa Sivíl Prezidente Repúblika, Francisco Maria Vasconsellonia hafoin sorumutu konsellu estadu iha Palásiu Prezidensiál Bairopite, segunda (23/08).

Reuniaun liuhusi Zoom, laós kondisaun Prezidente Repúblika la di'ak maibé médiku mak rekomenda atu evita la'o iha prátika normál, tanba bele prezidika saúde prezidente rasik.

Ho ida ne'e Prezidente Repúblika adia nia vizita ba Munisípiu Manufahi ho Ainaro nomós la marka Prezensa iha seremónia loron FALINTIL ba dala-47 iha (20/08) Palásiu Prezidensiál. (*)