"Ha'u konsulta ona ho Esénlensia Prezidente da Repúblika no fó instrusaun Vise Ministru Interior atu halo diskusaun fó ona orentasaun ba Vise Minstru Interior no Ministru Defeza no Seguransa atu halo diskusaun, se la'ós tinan ida ne'e tinan oin tanba ha'u hakarak antes ha'u-nia mandatu remata forsa armada mak iha ona fronteira”, dehan Taur iha Parlamentu Nasionál, tersa (24/08).

Antes atual Primeiru Ministru hanesan Jenerál FALINTIL-Forsa Defeza Timor-Leste (F-FDTL) atu monta Militár iha fronteira maibé tanba forsa hirak ne'e foin tun husi aialran nune'e husik to'o ohin loron.

"Ha'u konkorda katak, forsa armada tenke filafali ba fronteira, uluk ha'u sei iha Jenerál tempu ho nasaun unidas nia sira husi atu forsa armada mak ba maibé ha'u hatete labele, tanba ema sira ne'ebé mak iha forsa armada ne'e sira foin funu hotu mak mai entaun tauk provoka malu iha ne'ebá tiru malu tanba ne'e mak ha'u husu Nasaun unidas tau polísia", haktenik nia.

Maibé koordena ho Komadante forsa Indonézia nia atu dezmilitariza iha fronteira maibé Indonézia dehan la’e tanba sira-nia Konstitusaun la autoriza forsa atu hein fronteira, maibé Timor-Leste bele.

Problema ne'ebé enfrenta iha fronteira ne'e maioria mak krime organizada, tanba ne'e mak foin dadaun nia parte orientá ona hodi kaer veteranu sira balun inklui mós membru polísia sira balun. (*)