Vise MI Promete Reabilita Eskuadra Aimutin iha Tempu Badak

Vise Ministru Interiór, António Armindo. Vise Ministru Interiór, António Armindo. Foto Suplay

Tempotimor (Dili)-Vise Ministru Interiór (MI), António Armindo, promete iha tempu badak sei reabilita Eskudra Polísia Nasional Timor-Leste (PNTL) iha Aimutin, Suku Fatuhada, Postu Administrativu Dom Aleixo, Munisipiu Dili, tanba loke ona konkursu públiku.

"Fundu Infraestrutura ba tinan (2021) ida ne'e ita iha projetu hamutuk 21 purtantu bele implementa de'it projetu hitu, (6 husi Postu UPF no ida seluk Eskuadra Aimutin) ne'ebé mak agora iha ona seña atu fó ba tender, tenderizasaun fó sai ona públiku iha horisehik no agora hein de'it Eskuadra Aimutin, hein rona rezultadu para se mak manán ita urjentemente ho selebra nia kontratu para projetu ida ne'e bele hahú ona”, dehan nia ba www.tempotimor.com iha Ministériu Finansas, Aitarak Laran, sábadu (11/09).

Nune'e iha tan projetu sia (9) seluk ba Polísia Nasionál Timor-Leste (PNTL) nian maibé tanba dezeñu ne'ebé uluk la Integradu nune'e Ministériu Interiór kansela hodi halo konstrusaun.

"Dezeñu ne'ebé uluk iha uma nia fíziku ketak, bee halo ketak fali eletrisidade la envolve iha laran entaun la Integradu, nune'e ohin ita husu ba KAFI (Konsellu Administrasaun Fundu Infrastrutura) atu kontratu fali konsultan ida atu halo fali dezeñu foun ne'ebé tenke integradu, tanba la'ós projetu ida halo tiha uma eskada projetu ketak ne'e labele”, esplika nia

Maibé Governu nia hakarak bainhira iha projetu ida tenke iha nia dezeñu sira ne'ebé integradu mak hanesan konstrusaun uma iha kedas instalasaun bee, eletrisidade no elementu seluk tan ne'ebé mak kompletu.

"Tanba ida ne'e mak projetu seluk 9 ne'e tarde tanba ita hakarak Integradu tanba ida ne'e mak pendete muda fali ba tinan oin”, informa nia.

Ho projetu implementasaun hamutuk Millaun US$21 ida ne'e montamte halo konstrusaun inklui reabilitasaun ba Polísia Eskuadra Aimutin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter