"Husu ba animal nia na’in sira, liuliu karau kuda, bibi, fahi asu, sira ne'e, tenke kontrola no asegura, e sulan iha luhan, liuliu mak sira hela besik iha estrada ne'e, hanesan estrada protukoli área Metinarou sira ne'e, tanba iha ne'eba ne'e akontese beibeik, asidente soke animal, tanba ne'e husu atu tau matan ba animal nune'e bele hamenus asidente, la'ós husik arbiru”, dehan Domingos Sarmento, iha Kaikoli, kinta (21/10).
Maske Estadu la bandu komúnidade sira atu hakiak animal,maibé komúnidade mós tenke iha hanoin oinsá asegura.
Tanba ne'e Komúnidade iha obrigasaun tau matan ba animal ne’ebé sira hakiak atu labele prezidika ema seluk nia movimentu.
"Foin lalais akontese asidente tuituir malu iha Metinaru ne'ebá, motorizada soke karau, ida ne'e tuir lolos animal na’in sira obrigatoriamente tau matan ba nia animal, la'ós Estadu la bandu hakiak animal ne'ebé ita boot sira mós husik animal tuir vontade no la kuidadu ne'e lalos”, dehan nia
Iha semana ida ne'e de'it asidente dala-rua ne’ebé mosu iha Metinaru, motorizada soke karau dahuluk iha loron 17 fulan-outubru kalan no horisehik (20/10). (*)