“Sira-nia estatutu pesoál finál ona, agora ita halo intregrasaun parasel legal husi seguransa sosiál ninia ne’ebé mak haruka mai ona, entaun ita bele halo akomoda sira-nia parsel sira ne’e, ne’e mak ita lori fali ba, no Konsellu Ministru seidauk aprova tanba sei halo revizaun hela no sei akomoda hela parsel legal sira husi seguransa sosiál ninian”, dehan António iha edifísiu Ministru Interior Vilaverde, sesta (11/02).
Tanba ne’e, Vise Minsitru rasik ko’alia ona ho asesor sira atubele halo lalais pelu menus Konsellu Ministru sira bele diskute ona iha fulan-fevereru nia laran.
Komadante PNTL, Komisáriu Faustino da Costa hatete, estatutu reforma membru PNTL bainhira iha sei fó dalan atubele haruka membru sira idade reforma.
“Ami-nia esperansa mak kuandu iha ona estatutu ita bele fó ona dalan ba membru ne'ebé mak ho idade avansadu sira bele reforma (deskansa) nia priense para prosesu administrativu ne'e la'o, no pasu tuir mai mak polísia nasionál identifika ema na’in hira mak persiza tan para kompleta filafali númeru operasionál iha terenu”, dehan nia.
Maibé kona-ba estatutu PNTL nia hodi reforma membru sira idade avansadu ne'e aprezenta ona ba Governu no ida ne'e kompeténsia tomak iha Governu atu deside.
“Estatutu tantu ami-nia orgánika ne'e aprezenta ona ba Governu, ne'ebé ida ne'e la’ós kompeténsia polísia nian ona, dala ida tan katak tantu orgánika ka estatutu ne'e iha ona Governu nia liman”, informa nia. (*)
