“Ha'u hanoin sim, agora sei nafatin enkuantu seidauk halo enzonerasaun ba nia, nia mantein, kuandu enzonera ona nia, depende ba institutu IDN nia haruka”, dehan Tenente Jenerál Falur hafoin partisipa Serimónia Nomeasaun Vise-Xefe Estadu-Maiór Jenerál Forsas Armadas no Xefe Estadu-Maiór Forsas Armadas iha Palasíu Presidensiál Bairupite, tersa (15/02).

Maske Prezidente Repúblika (PR), Francisco Guterres ‘Lú Olo’, nomea ona Komodoru Donaciano do Rosário da Costa Gomes ‘Pedro Klamar Fuik’, hodi asume kargu Xefe Estadu-Maiór Forsas Armadas iha Instituisaun F-FDTL.

Maibé iha instituisaun sei tuir ema ida-idak nia kareira, ema ida-idak nia data baze iha kapasidade para halo jestaun ba administrasaun ka, ba instituisaun ne'ebá pois mak haree.

“Servisu rua ne'e di'ak hela, ita sira ne'e dupla funsaun hotu de'it, di’ak hela, ita mak hatene jere sa”, afirma Falur.

Xefe Estadu-Maiór Forsas Armadas (F-FDTL), Komodoru Donaciano do Rosário da Costa Gomes ‘Pedro Klamar Fuik’ hatete, karik iha konjugasaun esforsu iha lideransa orientasaun ba kualker instituisaun tanba nesesidade halo esforsu ida tanba Timor iha eskases barak, limitasaun barak, ho rekursu ne'ebé mak iha, prepara rekursus atubele fó kontinuidade ba sustentasaun estadu nasaun ida ne'e mais importante.

“Iha naturalmente ke irarkia instituisaun nian, iha poténsiál kandidatu e nune'e mós iha Institutu Defeza Nasionál, iha institutu ida propriu é uma instituisaun autónomu iha administrasaun, iha rekursus, finanseiru nomós iha patrimóniu, siknifika katak sé de'it mak ba Diresaun Institutu Defeza Nasionál tenke priense kriteiru ne'ebé estabelesidu tuir kuadru órganiku”, esplika nia. (*)