Login to your account

Username *
Password *
Remember Me

Items filtered by date: Tuesday, 10 December 2019

Tempotimor (Dili)-Timor Leste ameasadu atu selu osan hamutuk kuaze besik millaun $500 ba kompaña ida husi Australia, Lighthouse Corporation, wainhira  kompaña manan iha Tribunal, hafoin Supremu Tribunal Australia nian rejeita argumentu rekursu husi governu Timor Leste ne’ebé kesiona kompetensia Australia hodi realiza julgamentu ba kazu ne’ebé Lighthouse levanta.

Published in Justisa
Tuesday, 10 December 2019 18:52

PLS Lori Timoroan 15 Servisu Iha Austrália

Tempotimor (Dili) – Timoroan na'in 15, aranka tan ba Austrália hodi tuir programa Pacific Labour Scheme (PLS) durante tinan tolu. Tersa (10/12/19), SEFOPE hala'o ona despedida ba timoroan na'in 15 ne'e, iha edifísiu SEFOPE, Kaikoli, Dili.

Published in Politika

Tempotimor (Dili)-Maske hafoin governu Aliansa Mudansa ba Progresu (AMP) ne’ebé lidera husi Primeiru Ministru Taur Matan Ruak deside retira proposta Orsamentu Jeral Estadu (OJE) 2020 mosu “defensor" balun ne’ebé hatete ida ne’e nu’udar estratejia politika AMP nian, maibé, tuir eis Prezidente Repúblika José Ramos Horta, situasaun ida ne’e nu’udar moe boot ida.

Published in Politika
Tuesday, 10 December 2019 15:42

Paz No Estabilidade, Lisaun Boot Ba Mundu

Tempotimor (Dili) – Sekretariu Jeral G7+ Helder da Costa hatete, paz no estabilidade iha nasaun Timor-Leste agora la'o di'ak tebes no sai mós hanesan lisaun ida atu hanorin nasaun pos konflitu sira seluk.

"Lisaun boot ida, ita hanorin ba pais sira seluk mak ne'e, laiha ona konflitu no violénsia. Maski iha empase no inserteza polítika. Kuandu buat hirak hanesan ne'e mak mosu iha rai seluk, funu mosu ona. Tanba, situasaun sira ne'e ema komesa inpasensia azita tun sa'e. Mais, grasas a deus ita Timor la hanoin ona buat sira hanesan ne'e," esplika Sekretáriu Jerál G7+, Helder da Costa ba jornalista sira iha Palásiu Governu, Tersa (10/12/19).

Nia afirma, Timor-Leste agora unidade no paz. Tanba, iha lideransa ne'ebé forte no povu mós  maduru i kompriende ona prinsípiu demokrasia. Liuliu joven sira. Maski tentasaun oioin, maibé hakmatek ona. Ida ne'e, hanesan lisaun ba nasaun sira seluk.

Helder dehan, sidadaun hotu-hotu kompriende ona kona-ba demokrasia. Nune'e, mantein nafatin paz no estabilidade, hodi hala'o dezenvolvimentu.

Nia relata, iha situasaun polítika Timor nian, governu nafatin funsiona ho di'ak. Tanba ne'e, konsidera ita nia rai nafatin, paz no estabilidade. Helder espera, ba oin TL bele dezenvolve di'ak liután.

Published in Politika

Tempo Timor (Dili) - This morning judge Eusebio Xavier Vitor decided that an ex-priest R.D.is sent to Dili main prison in Becora for preventive detention. R.D., who originally is from the United States, has been accused of sexually abusing children in the shelter Topu Honis in Oecusse which he set up in the early nineties.

Published in News in English
Tuesday, 10 December 2019 15:30

Korpu Da Paz, Kontribui TL

Tempotimor (Dili) – Diretora Korpu da Paz, Josephine (Jody) Olsen deklara, nia parte sei nafatin esforsu maka'as hodi kontribui ba dezenvolvimentu nasaun Timor-Leste, liuliu iha área ekonomia.

"Hau mai atu ko'alia ho Primeru Ministru (PM) Taur Matan Ruak, kona-ba prezensa Korpu da Paz iha Timor-Leste, i koalia mós kona-ba dezenvolvimentu ekonomia komunidade nian no mós sira nia papél ba edukasaun," dehan Josephine Oslen ba jornalista hafoin hasoru PM iha Palásiu Governu, Tersa (10/12/19).

Iha sorumutu ho PM Taur, tuir Oslen, nia mós ko'alia kona-ba impaktu Korpu da Paz nian iha nasaun Timor-Leste.

“Ha'u hetan resposta di'ak husi Primeru Ministru Taur Matan Ruak, ne'ebé prontu apoiu nafatin programa Korpu da Paz nia prezensa, iha Timor-Leste.

Membru 200

Hahú 2002 to'o agora, tuir Olsen, membru Korpu da Paz iha Timor-Leste hamutuk 200 servi ona ba dezenvolvimentu Timor-Leste.

"Ami agradese tebes ba lideransa Timoroan sira hanesan, xefe suku, sosiedade Sivil no populasaun Timoroan sira ne'ebé simu ami ho di'ak iha ami nia voluntariu ne'e," dehan Josephine.

Nia sublina, programa Korpu da Paz nian, atu habelar liután hodi inklui projetu edukasaun lian Inglés ne'ebé, mellora lian Inglés iha eskola hotu-hotu ne'ebé ezisti iha Timor-Leste.

Diretora hatete, programa Korpu da Paz funsiona hodi fortaleza relasaun entre povu Amérika no Timor-Leste, no apoiu nasaun Timor-Leste nia meta sira ba dezenvolvimentu.

Published in Ekonomia
Tuesday, 10 December 2019 15:06

PN Aprova Sidadánia Timorense Ba Max Stahl

Tempotimor (Dili) – Reprezentante povu iha uma fukun Parlamentu Nasionál (PN), Tersa (10/12/19) ofisialmente aprova rezolusaun númeru 46/V ne'ebé atribui nasionalidade Timorense ba jornalista Britániku Max Stahl, relasiona ho nia prestasaun servisu durante iha Timor-Leste.

Iha aprovasaun rezolusaun, deputadu UDT/FM Francisco Xavier David Carlos dehan, Max Stahl merese para hetan ida ne'e.

"Ha'u hanoin jornalista Max Stahl merese hetan nasionalidade Timorense. Tanba, hanesan kompañeiru uluk iha masakre Santa Cruz ne'ebá, ami hamutuk depois jornalista Max Stahl foti video ne'e, depois entrega video ne'e ba señora Zaskhia mak lori ba mundu internasionál," dehan deputadu Xavier.

Rezultadu aprovasaun ne'ebé PN fó hodi aprova nasionalidade ba Max Stahl ho rezultadu a favór 48 kontra no abstensaun zero.

Published in Politika
Tuesday, 10 December 2019 13:40

KHUNTO Ezije Halo Kompleta Membru VIII Governu

Tempotimor (Dili) – Membru governu ne'ebé seidauk kompletu iha VIII governu, sai ezijensia Partidu KHUNTO. KHUNTO mós husu Primeiru Ministru Taur Matan Ruak, atu hakotu lalais empase polítika.  

"Nu'udar reprezenta povu, ne'ebé mai husi Partidu Kmanek Haburas Unidade Nasionál Timor-Oan (KHUNTO) ha'u kestiona. Tanba ne'e, husu ba Sekretáriu Estadu Komunikasaun Sosiál (SEKOMS) atu tatoli hela Partidu KHUNTO nia halerik ne'e ba Primeiru Ministru," hatete deputadu António Verdial de Sousa iha plenária PN, Tersa (10/12/19)

Tuir Bankada KHUNTO, situasaun real ne'ebé liga ho asuntu governasaun no governativa, ladauk kompleta.

“Bainhira mak ita kompleta no ita hein to'o bainhira? Loron ba loron ita dada malu no dudu malu. Kleur tebes. Karik, bele lalais hakotu tiha empase polítika ida ne'e, para ita serbisu ba nasaun no povu kbiit laek sira," dehan Verdial.

Vise Prezidente Bankada KHUNTO ne'e afirma, tanba de'it interese, povu sai terus tanba povu hein hela dezenvolvimentu.

Hatán ba kestaun ne'e, Sekretáriu Estadu Komunikasaun Sosiál (SEKOMS), Merício Juvenal dos Reis Akara resposta, PM halo ona nia kompeténsia. Maibé, Prezidente Repúblika (PR) mak seidauk fó pose.

"Primeiru Ministru propoin ona. Maibé, lista sira ne'e husu para hetan tomada de pose. Maibé, to'o agora seidauk. Seidauk resposta husi Prezidente Repúblika. Ne'ebé, se ita boot sira iha oportunidade ka dalan karik bele halo konfirma direita ba PR. Tanba ne'e, PM halo ona nia parte tuir lei," dehan Akara.

Published in Politika
Tuesday, 10 December 2019 13:01

Viola Direitu, Traballadór Aprezenta Keixa

Tempotimor (Dili) – Sekretáriu Estadu Formasaun Profisionál  e Empregu (SEFOPE),Julião da Costa husu ba traballadóres ne'ebé hetan problema iha sira-nia servisu fatin, atu hato'o keixa ba SEFOPE, hodi bele rezolve tuir regras ne'ebé iha.

"Iha SEFOPE, iha Diresaun Nasionál  Traballu (DNT). Bainhira traballadór sira hetan violasaun husi ajénsia ou kompañia, bele hato'o keixa hodi loke investigasaun," hatete Julião ba jornalista hafoin hasoru malu ho Primeiru Ministru Taur Matan Ruak iha Palásiu Governu, Tersa (10/12/19).

Julião afirma, iha violasaun ba direitu traballadór nian, presiza hatene mós kauza, para bele fó  solusaun, ne'ebé tuir regras haruka.

Labele Tane Liman

Alende ne'e, SEFOPE mós husu ba juventude sira ne'ebé termina ona sira-nia estudu lisensatura atu labele husu servisu ba estadu. Nia dehan, presiza kria fali servisu ba joventude sira seluk.

"Graduasaun la signifika dezempregu. Karik, lisensiatura iha area orte kultura, hala'o atividades hatama proposta ba estadu hodi hetan apoiu atu dezenvolve an, hodi loke kampu servisu ba maluk sira ne'ebé la eskola. La'ós, forma hodi husu servisu ba estadu. Ida e'e sala," esplika Juliao da Silva.

 

 

Published in Ekonomia

https://www.youtube.com/watch?v=Pne8BBb9OpQ

Iha loron Segunda (09/12) mosu pawai iha Oecusse hodi halo kampaña hapara violência ba feto ho labarik.

Iha tinan kotuk mosu kazu violasaun sexual hasoru minor idade, iha uma mahon Topu Honis, Kutet iha Ambeno ne’ebe deskonfia komete husi padre ida husi kongregasaun SVD.

Hafoin SVD iha Roma simu keixa ne’e, hahu halo investigasaun nunee iha Novembru 2018 Vatikanu expulsa Padre R.D. husi nia kna’ar.

Hafoin prosesu naruk ida, iha Abril tinan nee autoridade judisiariu halo kapturasaun ba eis padre refere no lori sai husi oekusse mai hela iha Maliana,

Iha Loron 12 fulan Novembro R.D. hela Maliana ba Dili sae feri hodi ba Oekusse no 13 Novembro eis padre ne’e hetan detein hikas husi PNTL iha Portu Mahata.

Iha loron tolu 03/12/2019 PNTL Oekusse lori hikas R.D. mai Dili no daudaun ne’e hela iha PNTL sira nia kna’ar fatin ida iha Dili. Tuir informasaun ohin lokraik sei Tribunal sei Tesi lia ba R.D. nia situasaun.

Published in Video
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2019 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter