Jerasaun Foun Nia Fiar Mihis ba Igreja Katolika   

Prezidente GMPTL, Lidia Norberta Prezidente GMPTL, Lidia Norberta tempotimor.com

Tempotimor (Dili) – Prezidente Grupu Mulher Parlamentu Timor-Leste (GMPTL), Lidia Norberta katak, jerasaun foun hahú lakon nia valór morál ba igreja Katolika iha Timor Leste, maske iha tempu okupasaun, papél igreja importante tebes.

"Igreja Katólika iha papél importante. Maibé, ohin loron mós igreja Katólika, ita ko'alia buat ida liberdade, to'o ikus ita halakon tiha ita-nia valór no rikusoin, ita-nia patrimóniu ida ne'ebé durante ne'e kuandu luta ba libertasaun, igreja hamutuk ho ita. Ida nee ita tau sees tiha. Ita lahatene katak eroi sira di'ak ohin loron ne'e, igreja mak produz," hatete Prezidente GMPTL, Lidia Norberta bainhira partisipa Kongresu Feto Timor-Leste ba dala lima, iha Sentru Konvensaun Dili, Kinta (24/10/19).

Nia afirma, igreja kontinua harii nia papél, para inan-aman no parte kompetente tau atensaun no forma jerasaun foun sira.

"Igreja Katólika kontinua hola nia pozisaun. Inan-aman, edukasaun no sosiedade bele tau matan ba jerasaun foun sira. Bainhira sira hotu hola pozisaun, mak to'o ikus sei hetan sidadaun ne'ebé di'ak ba rai ida ne'e," nia afirma.

Reprezentante feto iha Parlamentu Nasional (PN) ne'e mós dehan, atu hetan sosiedade di'ak ba nasaun Timor-Leste, tenke iha edukasaun husi parte entidades hotu-hotu, hodi la'o iha dalan ne'ebé loos.

Rate this item
(4 votes)
Last modified on Monday, 28 October 2019 11:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com