Tanba rezulusaun ne’ebé fó sai husi governu relasiona ho Konfinamentu Domisiliáriu Jerál ne’ebé estende tan ba loron 14, hahú husi loron 12 fulan-maiu iha Munisípiu.
Ho ida ne’e, liuhusi Sekretariadu Kámara Eklesiástika deside hodi komunika ba paroku, reliziozu no sarani sira katak autoriza atividade selebrasaun misa no skramentu ba de'it vigararia Aileu, Ainaro, Ermera, Same inklui RAEOA, maibé ba Vigararia Dili kontinua suspende.
Tuir informasaun ne'ebe fó sai husi Arkedioseze Metropolitano Dili, iha loron 15 fulan-maiu sei suspende selebrasaun misa ba públiku no sakrementu sira iha vigararia Dili nian to'o loron ne’ebé konfinanentu obrigatóriu termina, loron 27 fulan-maiu tuku 23:00, otl.
Maibé, selebrasaun misa no sakramentu ba públiku la'o hanesan babain iha vigaria seluk hanesan Aileu, Ainaro, Same, Ermera no Rejiaun Administrativa Espesial Oekusi Ambeno (RAEOA).
Aleinde Serimonia funeral mós sei hala'o tuir orientasaun rezolusaun governu nian (Cfr. Alinea 20 do Res. Númeru 45/2021).
Tanba ne'e, fó hanoin mós ba públiku atu kumpri medida prevensaun uza máskara, fase liman ho sabaun, no distánsia sosial, ho finalidade atu garante saúde públika iha Timor-leste. (*)
