"Ita halibur malu iha ne’e hodi presta ita-nia adeus ikus no fó omenajen públika ba ita-nia Amigo Boot no Oan Mane Timor nian, Sua Excelência Reverendíssima Amu Bispo Dom Basílio do Nascimento, ne’ebé husik hela ita iha loron 30 fulan-Outubro tinan 2021, iha fulan kotuk, hodi liuba Aman Maromak nia kadunan leten no ás ba, fó omenajen ba Suai no Covalima nia oan ida, ne’ebé dedika nia vida tomak ba Jesus Cristo”, dehan Taur Matan Ruak liuhusi nia Komunikadu Imprensa ne'ebé www.twmpotimor.com asesu bainhira halo diskursu iha Katedral Baukau, kinta (04/11).

Maluk no amigo sira hanoin no halerik iha Évora, Portugal, fatin ne’ebé konsagra-an no servisu hanesan pároku, profesór, diretor espiritual Semináriu Maior nomós membru ativu Arkedioseze ne’ebá nian.

Amu Bispo Dom Basílio do Nascimento, ne’ebé husik hela Mundu iha loron 30 fulan-Outubro tinan 2021 tanba moras fuan akompaña ho tensaun.

Saudozu nia poliglota iha Timor-Leste nu'udar mós defensór prinsipiu Igreja Katólika nian no defensór ba toleránsia vida Kristaun nian.

"Poliglota katak ko’alia lian barak, cidadão mundo nian, defensór ba prinsípiu husi Igreja Katólika ida ecuménica, defensor ba liberdades no garantias, ba paz no igualdade social, defensor ba toleránsia no umanizmu Kristaun”, afirma nia.

Durante ne'e halo nia estudu iha nasaun lubun ida hodi aprende lian seluk inklui mós teolojia no Katekeze sira.

Hanesan ne’e mós iha Paris, Fransa, fatin ne’ebé nia kompleta nia estudu ba lian franseza no Teolojia Pastoral no Katekeze, hodi ezerse mós responsabilidade ba komunidade emigrantes, ne’ebé hela no moris iha rai Fransa.

Bainhira fila mai Timor-Leste, simu kna’ar importante iha estrutura Igreja Katólika, sempre hatudu korajen hodi denúnsia hahalok at, kontra opresaun, a favor da dignidade umana no direitu Povo no Nasaun ba autodeterminasaun no independénsia, iha loron 30 de Agosto de 1999. (*)