“Ohin halo diskute kona-ba Polítika igualidade jéneru, nune'e husu sira-nia hanoin no ideia atu halo aseitasaun iha diskusaun ne'e, ita sei avansa ba rejista iha Konsellu Ministru. Klaru dokumentu sei liuhusi prosesu naruk maibé sempre halo anulasaun, tanba igualidade jéneru sai xave ba polítika boa governasaun ida ne'e, planu ida sai hanesan matadalan ida, se de'it mak mai sei mai iha Ministériu Agrikultura no Peskas, atu jere igualidade jéneru ho di'ak”, esplika Ministru Pedro, iha salaun uma tradisionál adat, MAP, Komoro, kinta (24/02).
Ho ida ne’e, husu feto sira ne'ebé servisu iha Ministériu Agrikultura no Peska, atu fó kontribuisaun hanoin ba planu servisu polítika igualidade jéneru nian, haree liuba polítika planiamentu estratejiku ministériu nian.
Diretór Nasionál Parseiru Dezenvolvimentu, Ivonia Goncalves da Costa, kongratula Ministru tanba bele tau importánsia ba polítiku igualidade jéneru.
“Ha'u kongratula sua esélensia Ministru bele tau importante tebes ho kompromisiu boot, atu konsidera isu jéneru ba Ministériu Agrikultura, tanba liu tinan liman ba kotuk isu jéneru ne'e, ladún tau importánsia iha Ministru Agrikultura”, hatete nia.
Ministru agrikultura hala'o servisu boot iha setór oioin, envolve grupu feto no mane, ho jovens sira hotu, no envolve mós difisiénsia sira no LJBT.
“Envolmentu ita-nia feto maluk hotu, mak bele produz, hakiak no reduz seguransa alimentar, hodi hasa'e ita-nia produsaun liga ba, hadi'a rendimentu familiar ninian”, espslika nia. (*)