Reprezentante Banku Mundiál iha Timor-Leste Bernard agradese bele introduz kooperasaun servisu banku ho governu Timor-Leste.
“Ami kontente tebes tanba iha enkontru ne’e hatudu rezultadu di’ak tanba ami bele servisu hamutuk ho Governu ida-ne’e ba oin”, informa Bernad ba jornalista sira iha Pálasiu Governu.
Banku Mundial fó ona suporta ba Timor-Leste dezde independénsia no ajuda ona Timor-Leste atu atinje progresu ne’ebé di’ak iha área oioin, hanesan aumenta tan atendimentu labarik sira iha eskola no fornese ajuda ba infraestrutura hanesan hadi’a eskola, sentru saúde sira iha komunidade nia leet no programa seluk tan.
Durante ne’e, Governu Timor -Leste hala'o imprestimu husi Banku Mundiál hamutuk millaun $350 hodi finánsia infraestrutura dezenvolvimentu Timor-Leste. Ho apoiu hirak ne’e, Banku Mundiál sei kontinua suporta Governu nia esforsu sira hodi bele promove dezenvolvimentu ne’ebé sustentável, governansaun di’ak no kria tan kampu servisu. (*)
