Prezidente Centru Logistika Nasional (CLN) Augosto Junior Trindade informa, to'o agora, foos iha armajen hamutuk toneleda rihun 30 seidauk suplai ba fatin ida.
“Maibe, daudaun CLN hetan ona pedidu husi Sekretariu Estadu Protesaun Sivil (SEPS) ho montante tonelada rihun 10, Rejiaun Administrativa Espesial Oekusi Ambenu (RAEOA) tonelada rihun 3, Ministeriu Solidariedade Sosial no Inkluzaun (MSSI) tonelada 1.000”, Augosto Junior Trindade hateten iha knar Fatin Bebora, Sesta (11/12).
Nia hatutan, foin mak iha pedidu husi liña ministeriais inklui RAEOA atu halo distribuisaun ba sira, no hetan ona despaisu husi Ministru, tanba urzensia kona-ba inundasaun iha Kovalima, depois udan boot mos mai ona, halo prevensaun ba buat hirak ne'e hotu, entaun Sekretariu Estadu asegura.
Nia afirma, foos tobelada rihu 30 ne'e tama mai Timor-Leste iha momentu situasaun Covid-19.
"Stock iha fulan hira liu-ba, bainhira ita hasoru covid, governu desidi hatama fos mai Timor-Leste ho total tonelada rihun 30 ", nia tenik.
Nune'e, ohin komesa hasai ona atu responde ba inundasaun ne'ebe iha loron hirak liu-ba akontese iha Munisipiu Kovalima. (*)