Alende ne’e nia hateten, ho distribuisaun ai-han sesta bázika liuhusi programa rekoperasaun ekonómika, bele hadi’a kondiasaun ekonómia nasionál iha Timor-Leste.

Elizário hato’o asuntu bainhira halo lansamentu distribuisaun sesta bázika ba komunidade iha suku Fahileu, postu administrativu Bazartete, munisípiu Likísa.

"Parte husi distribuisaun ne'e mós atu hadi'a kondisaun ekonomia kontribui ba rekoperasaun ekonomia nasionál nian", Elizário Ferreira hateten ba jornalísta sira iha sede suku Fahilebu, Sábadu (12/12).

Nune’e mós administradór postu administrativu Bazartete, José Menezes dos Santos hateten, distribuisaun ai-han sesta bázika nu'udár programa governu nian ho objetivu atu hadi'a ekonómia família no sosiedade nian.

"Sasán sira ne'e iha oin 13, ho nia totál osan hamutuk $50 mak tama ba iha ne'e, husu ba inan-aman sira bele haree didi'ak sasán sira ne'e, sé iha balun liu prazu karik, bele fó hatene katak ida ne'e expire ona no ami labele uza, atu nune'e kompañia bele fó fali produtu seluk", niadehan.

Nia hateten, iha fulan sira ba kotuk, governu fó duni apoiu $200 ba kada uma-kain, maibé la uza sosa hahán, sosa fali buat seluk.

"Tanba ida ne'e, ohin osan $200 ne'e troka fali ho sasan atu nune'e bele hadia netik ekonomia família sira nian iha loron balun nia laran", nia hakotu.(*)