Tanba veteranu sira partisipa ona iha luta libertasaun pátria durante tinan 24 nia laran, liuhusi okupasaun ilegál nasaun Indonézia nian.
“Entaun, ohin (12/07) ho tempu di'ak ida ne'e, ba ita hotu iha ne'e, ba ita hotu ne'ebé partisipa iha fatin ida ne'e, mesak veternu no veterana de'it, ne'ebé hola parte iha prosesu dezenvolvimentu ukun rasik-an ida ne'e, ita mak sai ema pioner ne'ebé prímeiru homen atu ko’alia kona-ba prosesu ukun rasik-an”, dehan Pedro iha sede CCLN, Likisá, segunda (12/07).
Ho ida ne’e, prosesu tomak ba dezenvolvimentu ida ne'e, presiza mós tenke hatudu dalan di'ak atu lori ba oin.
Maibé ho formasaun ne'ebé hala'o husi Sekretária Estadu Kooperativa (SEKoop) ba membru kooperativa CCLN sira, iha benefísiu ne'ebé di'ak, tanba atu hala'o buat ruma, tenke iha kuñesimentu.
"Kuandu ita iha ona kuñesimentu, ita ba hatene dalan para ita atu la'o. Ne'e tanba hanesan matadalan ida, hanesan uluk karik ema dehan katak, kuandu halo funu ema tenke iha komandu ida atubele sai komandu atu lori prosesu, nia elementu ne'e tuir nia kotuk karik, nia bele orienta para pelu-menus halo nusá atu hasoru inimigu sira, atubele halo estratéjia oinsá bele manán funu ne'e”, kompara nia.
Maibé atu lori dezenvolvimentu ba Munisípiu Likisá, la presiza ema hotu ba konsentra de'it hodi hadau malu iha fatin ida, tenke nakloke-an iha setór seluk ne'ebé bele fó kontribuisaun di’ak mós ba dezenvolvimentu rai ida nian.
"Ha'u hanoin, liuhusi kooperasaun de kooperativa, motivasaun mai husi ita-boot sira hothotu nian ne'ebé tau hanoin, tau hakarak hamutuk atu halo dezenvolvimentu, kria kooperativa ida iha Munisípiu Likisá, ha'u hanoin ida ne'e di'ak tebes, tanba envolve ita veteranu sira ne'ebé uluk ita dehan katak 04 mai oin ne'e, sira tenke envolve tama hotu, oinsá atu kria kooperativa di'ak atu liu prosesu legál para pelu-menus atubele fó benefísiu ba ema hotu”, afirma nia.
Husi ievolvimentu iha kooperativa CCLN, membru sira tenke hamutuk, labele haree ba kór polítika, envezde unidade, maibé sobu malu tan de'it kór lahanesan.
"Ha'u hanoin, ida ne'e labele mosu iha fatin ida ne'e, ne'e fatin lulik”, dehan nia. (*)
