Tanba ne'e, Sekretáriu Estadu Kooperativa (SEKoop), Elizário Ferreira, ne'ebé ho akompaña husi Diretora DNCPI, Jacinta dos Santos, vizita kortezia ba Grupu refere iha loron 24 fulan-Agostu tinan 2021.

"Vizita atu motiva no suporta sira ba futuru nune'e sira bele nakfilak-an sai kooperativa ida ne'ebé institusionaliadu, sustentavidade, no dezenvolvidu, tanba ida ne'e mak vizita sira bele reforsa la'o ba oin nafatin", dehan Sekretáriu Elizário, iha Mehara, tersa (24/08).

Maibé kompromete ba grupu Juventude sira, katak parte husi Sekretáriu Estadu sei fó apóiu atu habelar ka espensaun ba kolam ikan, hadi'a manu luhan ne'ebé ho kualidade, nomós bele apóiu finanseiru ba sira.

Responsável Grupu Juventude Multisetoriál Zlahe, Flavio da Costa de Almeida, sente kontente no hanesan grasa boot ida, ba vizita SEKoop tanba bele fó motivasaun no haree direita difikuldade durante hasoru iha terenu.

Maske atividade kooperativa ne'e durante ne'e la'o nafatin, maibé iha difikuldade ne'ebé hasoru hanesan bee-moos ne'ebé susar.

Grupu refere hari'i iha fulan 5 ba kotuk, totál membru hamutuk ema na'in-16, kompostu husi mane ema na'in-12 no feto 4.

Grupu Multisetoriál ne'e hala'o atividade loroloron nian hanesan, kuda modo, hakiak ikan, fahi, Manu, no bibi Timor. (*)