"Ezekusaun husi Ministériu Administrasaun Estatál, inklui STAE (Sekretariadu Tékniku Administrasaun Eleitorál) no Arkivu Nasionál to'o ohin loron atinje ona pursentu 86 (86%) ne'e taxa ezekusaun ida ke sa'e oituan", dehan MAE Miguel Pereira Carvalho iha Ministériu Finansas, tersa (07/09)
Servisu realidade ne'ebé mak ekipa ministériu sira hala'o mak konsege konstrui uma 254 iha kada suku liuhusi programa Uma ba Kbii't La'ek (UKL) nune'e mós halo reabilitasaun finál ba sede suku sira hamutuk 257.
"Oitavu Governu konstitusionál hakarak hadi'a ita-nia sede suku sira ne'e tanba kleur ona ita la hadi'a sede suku sira ne'e no nia kontinuasaun nafatin ba tinan oin nune'e lideransa komuntária hodi hala'o servisu hodi atende ita-nia komunidade sira", informa nia.
Rezultadu husi atividade seluk ne'ebé mak MAE hala'o ona mak enkuadramentu legál sira ba poder lokál ne'e aprovadu ona iha espesialidade no hein de'it aprovasaun globál.
Iha mós seluk dadaun STAE halo ona resenseamentu eleitorál no atualizasuan baze dadus iha nasionál no diáspora.
"Oras ne'e STAE kontinua la'o agora rejistu resenseamentu eleirorál ne'e to'o 15 Janeiru tinan 2022 no dadaun ne'e rejista 846.352 iha Timor laran no iha rai li'ur no espera ba oin sei rezultadu sei aumenta", dehan nia.
Ezekusaun Orsamentu Jerál Estadu ba tinan 2021 ne'e ho Orsamentu totál tokon US$ 54 ba MAE. (*)
