Timoroan Hahú Investe iha Operadór Telekomunikasaun CESLINK

Tempotimor (Díli)-Ministru Transporte no Komunikasaun (MTK), José Agostinho da Silva hatete, Timoroan hahú investe iha operadór Telekomunikasaun CESLINK iha Timor-Leste.

"Ita hotu hatene katak durante ne'e iha Timor Telecom, Telkomcel no Telemor agora iha tan operadór telekomunikasaun CESLINK ne'ebé mak Timoroan sira mak investe, sira hotu nu'udar Timoroan ida de joven de'it sira iha koñesimentu tékniku iha área ida ne'e", dehan José Agustinho hafoin hasoru malu Primeiru Ministru, Taur Matan Ruak, iha Rezidénsia Farol, kinta (16/09).

Setór privadu ne'e iha interese hakarak serbí rai Timor, tanba nu'udar operadór Telekomunikasaun dahaat iha Timor-Leste ne'ebé mak Konsellu Ministru aprova ona liuhusi reuniaun.

"Segundu assuntu kona-ba ita-nia investimentu setór privadu ne'ebé mak hato'o sira-nia interese atu investe nu'udar operadór telekomunikasaun dahaat iha Timor CESLINK sira-nia pedidu uluk iha aprezenta ba Konsellu Ministru no ikus mai hetan apresiasaun no aprovasaun ba pedidu ne'e", informa nia.

Hafoin apresia no hetan aprovasaun nune'e mós setór privadu ne'ebé lideradu husi Timoroan ne'e hetan avalia sira-nia dokumentu ikus mai  Prezidente Administrasaun Autoridade Nasionál Komunikasaun (ANC) no MTK husu Primeiru Ministru (PM) nia disponibilidade atu entrega sertifikadu rejistu ba kompaña CESLINK.

"MTK liuhusi ANC durante ne'e serbisu avalia dokumentu sira ne'e ikus mai ANC aprova tanba ne'e mak ha'u mai audiénsia ho PM e husu PM nia disponibilidade para bele entrega sertifikadu rejistu nu'udar sertifikadu telekomunikasaun dahaat iha Timor-Leste”, esplika nia.

Tanba CESLINK prense ona rekezitu administrativu tékniku nomós legál tuir dekretu lei nú 15 artigu 30 ne'ebé mak sita rekezitu ba kompaña sira ne'ebé mak presiza. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter